I dis che al dì d’inchéeu l’è on facc propi sconvolgén
da mighi créed, da profesèe un bel noto
Am piaseréss an a mi da véss ‘me el me barbéi
conténn ‘me om papa e naar comèe om sciuéi

Un c’a sta su al quin pian, om certo Renatin
on dì u m’a dicc quaicoss che l’è mighi mal
“Fa’ com’ a dighi mi, metet sgiù in sgiunécc
fa’ parénse da preghèe e te véed c’at vegn da créed”

Aloro chel l’è c’o facc, an par abituam?
Ho scomensò a girèe con el rosari in man.
In tram e in sol lavor, al bar o in giir e a cà
coi mè giaculatori sempre dré a preghèe

Un bot c’a m’o sentiit apena piséei fraan
a m’o visctiit da frà e a sem nacc foro al scur
La ceriche sola teste, vistiit da fracercot
ho scomensò a girèe con la ghitara in brasc

O gnan facc che quatro pass c’a ruii al primm canton
im fèrme deis femnet dopo benedizion
“Oh padre par piaséi, cantéi ‘na quai canzon
da cui ch’el Signor u v’a dacc par l’ispirazion

Aloro in sol momén al so mighi quée dii
primm o facc “El gorilla” e peu “Pelanda tì”
A iesi mai cantéi, ié scomensò a picamm
e pe’ a cridèe “vigliaco! at tajom vii i ball”

A s’ere sgià blocò, scapèe gnan a parlann
A pensava ai me moroos, adés com’i farà?
In mézz ai altri cerich, con la vous da crastò
in mézz ai procesioi am tochérà cantèe

A mancava propri poch, che par ‘na gran furtunu
a ruu da corso ‘na dama da carità
Uela, a sii gnit baloord? Ié mighi rop da fèe!
A gh’è sgià tanti cuu, cui boi lasemei sctèe!

Iscì i m’a lasò nèe, par vii da sta rason
anzi a ghé stacc ‘n aplauso e l’è finidi in noto
Par nèe su in Paradiss, a faghi gnan più om pass
Se a deu ruèe el créed c’u ruii daparlui

O mai copò gnisun, o mighi gnan violentò
e ié bele due agn c’a vei gnan più robèe
E se el Signoor u gh’è, c’u vardi e c’u capisi
c’a saress medesom an sense da lui

Brassens – Svampa – gene

 

Postilla