A maridèe primul e acquaviti
as penseres a l’aria e al feuch
A po’ bè an vess, epuur no

I primul ag guà catai da necc
par mighi scorentai
e at paar da vess dapartì

Insgiunegiass e catai
metei in d’om panet
portai ca, metig su zucru

(e fai posèe)

L’acquaviti l’é ilé c’la specie
la cuarcia i primul
‘me na benedizion

(ciaira)

A sai sara su inseme
e al scuur par quindis dì
e lou is fa i vizi

A sai filtri e a sai met
in botegliet ch’i paar
ventri gravei

A sa specie quai miis
lou amò al scuur e ti quet
ogni tan te scolto la cardense

Peu, om dì, as veer
e as capiss che da maridass
i gh’ere propi goro

gene

Postilla
Primula fiore ribelle e in anticipo
g.