I medeghe da scià e da là
ca’ par ca’
a veer denn i uss e sarai dopo
‘na punturu o la moort

El nes fieu sense calsei
che da foro u vores nèe
in mez ala neu
u dis ch’ l’è mighi frecc

La Nona daleisc e daparlei
i noni ié sempre daparlou
apene tevi in ca’
e i pensei in do scaf

Gnomà i notiziarii
chi porto el moonn
dadenn, e da foro
cito e procesion

Sense comunion e pas
sentei dasmentighei
ao chi pasa solche lou
ambulanz e pulizii

Ai scolti più d’am pez
ma i va innanz a sciascèe
da puntuur sense paghèe
almen chel par i pourit

Ogni tan im dis a mì
ch’a dovres propi provèe
a vegh denn om moort in ca’
al post che reclamèe

Ag iò sgià ‘ui, i mè moort
cari ganasoi sghebei
e s’a nei foro di bal
am fei om gran rasust

Tut l’é ormai ragò
e chel ch’ l’é in pei
u paar secò in la polgro
e in soi test i vara i stolsc

Im vegn denn in stansa
im fa ‘na punturu
i dis ch’a sem a post
e col muson scondù i và

Intan el fieu u sta a pe’ biot
la Nona la barbesge
i moort ié sempre moort
e i stolsc ié dré a bechèe

gene