In mez a chel sentei c’u va in catmonn
a l’o frontò da sot da ca’ dal Sgheisc
el Dante dal Savin con el cuu tonn.

Um dis razenn da mighi nèe daleisc
che dal gó la tere piata la finiss
e che s’a g’o pauguru l’è amò peisc.

Ag dighi vegn con mì che te capiss
a fèe ‘l Caronte apene strepenò
a pasom Casinete a schivèe biss.

Pise’ in su el sentei c’u spiana amò
e pasèe denn da frizi al pon dal Diauro
par videl a runèe codon tut sbiotò.

El Dante ul degie com s’u fus marsciauro
chel Demoni c’u ramini bocc in val
‘me u voress spazèe vii tut cadrigh e tauro.

Gnisì con mì su chele scimi in al
e s’a gh’i goro da iutam propri dabon
el Diauro u dis dem na man a seteral.

El Dante smoort u scapa sgiù in la brugu
a dighi l’è be’ noto a pom fèe sense
e col Demoni a seterom sgenn e tere.

Am dasedi tut sudò e sense cosciense
col dinsegn spiatarò comee la gere
ma ‘l Diauro l’è amò ilé con la simense.

gene

Postilla
Dove si tratta dell’oscurità dei cuori
g.