Sacatandan pesei

a fèe crodèe scrovat

par cinquanta ghei

al sidel

El Meme u s’ann tegn un

in do pirachin dala camisi

L’astaat la pasa mai pai vecc

ch’i crapa dal call

e is lamente tut el dì

e pan da necc

Par nui la pasa trep in prese

con tucc i rop ch’a ghé da fèe

burelas in di prei

butas in do rièe

vardèe i auti ch’a pasa

e scarpinas pa’m gol o dui

I loch ié ‘me scispit

i sgiunecc verdenti

la pel di pei duru ‘me coram

Tri miss ch’i vara vii

e in setembre

a terom a schere

sarei denn ‘me talpit

a scoltèe stupidaat

par neu miis

intann ch’a speciom

l’astaat ch’a vegn

gene

Postilla
L’estate che fugge è un amico che parte.
Victor Hugo