Gnomà ades ch’a gò noto

a vedi el té scosèe impiastrò

da colo e buscaii,

a senti el té tof da len

Am toti bele che più,

mi a tofi da poch,

dai brasc a dori solche i diit

a scuscièe botoi

Ti che da diit t’e g’nere

solche vot e l’anel

te g’l’ere a drici,

eben, tì, t’en vareve pisei

La medesomo femne par sempre,

la butighi facia su tech a tech,

i ecc lusen pa’ ‘m lavoor

piantò in teste e in do cher

e la speransa da nèe innanz

sense trep fernicri

Am paar da nèe a condré

e da chi ‘m pezet

a sarò pisei vecc che tì,

coi mè fernicri a dol dol

Tì che col furgonet verd

te partivi tucc i matin

a portèe in giir i tè facc

ma ala siri te gh’ere

Mì a gò gnan el furgonet

e i mè facc ié sarei denn

in la teste, presonei di diit

Sense paciense e rasust,

miou che tì a poss mighi vess

gene