A pos gnan vardau,

ag n’ho mighi dal busegn

au senti fiadèe, l’é asei,

valtri padroi dala guere

Ragordeves gnomà che ‘m dì

a finirì an valtri sot ala scendre

ch’a i spandigò in giir

e gnisun i pregherà coi fiuu in man

Gnisun i dirà ‘na parolo

né bono né grama

pal viag a l’infern, contò su

in tucc i libri e i canzoi

Gnan a mam vosso ag vegnerà

più el nom ch’la va dacc

Tucc i canicitt i spuderà

sola vosso fotografii

Intan fele pur grosso la vous,

a stremii sgenn ch’i scapa da cà,

coiscei ‘me bochèe di pouri,

ma ragordeves che mi a sarò ilé

a vardau crapèe col rabutò in sol muson

e i pirach folei da sol robei

Profondei, masarei,

padroi dala guere, totoi:

mì, pitost che netau,

a bruserò lavet e savon

insem al ves tof

gene (tempo di guerra)