Al sò peu mighi s’l’é miou
ch’it cani i avig o i mosarit
o divol ‘na ratere
I mereress tucc trii

A fèe murii besc-c
o a mazai
t’è imparò sgià da canaja
col bachet da au
e peu col sc-ciop dal pa’

L’é tut ‘m copèe
la too viti
galin cunili iei e gnei
par majai e chegai

Starnii da merde l’ert
par fèe gni su fasei
tomatis pom bedrau
E peu gnan veigh goro
da videi in do piat
cui verduur d’ospedèe
intan che i avigg
i mosarit e i rateer
it giri in giir noianti

Sot aloro a copèe da bel neu
i altri besc-c nesei
par majai e chegai
e ingrasèe amò ‘m bot l’ert
con la too merde

Te lavoro solche
a nèe atorn
par finii in d’om bec
an tì

gene (tempo di pancia)