Il Pizzo di Claro

Etel amò ‘l Piz da Crèe:

te veer la finestre e l’é ilé

Te tì ch’ al varda lui

o l’é lui ch’ at varda tì?

S’ tel rampa mighi su da pinin

l’é mighi conten e s’te ruzu

in cardense o sot al tauro

u salta foro indezento

e u fa ‘me dit: chegon

Aloro su col Pa’

– Mam gnomà fin al laighet –

coi soci, cola morosa, dapartì

Da ilé, te pò nèe fin sola lunu

tan te gh’ l’à piantò in do fidigh

tucc i dì lusenn e tucc i necc dasfei

Te po’ nèe atorn ‘me ‘m tiribiri,

Memphis Liverpool Baires:

ut vegn dré ‘me ‘na zeche

Us piaza dré ala porto,

sot al tapé, dananz e dadré

Te volto vii la fascia?

Ut fa scignauri

Te provo a seterass?

L’é in fon al becc

Te va in do lecc?

L’é sgià sot i cueert

‘me s’ a sarisut maridei

Te gà fiéi?

Condanéi an lou

a rampighèe tutu la viti

sol Piz da Crèe

U comanda

con o sense ‘l capel

gene