A s’ere ‘m Bulo, sol stradon col mè cavall
e la pistolo e col cortell
matai che col lavoor i gà sgiontò i valiis
Tanti soldaat ié lasò ‘l cher in sol mè fiir
I malfaben i m’ha strozzò in del vinticin
Ma pisei vìiu da prim

A s’ere ‘m Sailor, a sem nessù denn pal rièe
e indo rièe ho imparò a nodèe
A sem partiit atorn al chern dal Mexico
ho rampigò so l’arbro e peu dacc sgiù dal gó
e tornei indré ié dicc in giir ch’ i m’ ha copò
Ma mì agh semm amò

A s’ere ‘m Mastro, in sol Tasin profonn e largh
e ‘l feer e l’acqua ié bastaard
Om sit chi ciama Boulder e l’é salvadigh
a sem slitò denn pala molta coi fadigh
Seterò denn in chele Gere sense vous
ma a torni indré da pous
a sarò sempre a pous a pous a pous
a pous a pous a pous

A vari in ciel, a travers da l’Univers
e can ca ruii al sé rovers
agh sarà ‘m sit par fam possèe fin a doman
par podei vess amò chel Bulo cola famm
o par sughèe comèe ‘na goto sola man
M’ a vei stèe chilé
e peu torneè amò indré e indré e indré
e indré e indré e indré

Jimmy Webb – Giorgio Genetelli